"Хэрэв та шинжлэх ухааны нээлт хийхийг хүсвэл Скоттыг дага. Хэрэв та хурдан амжилтанд хүрэхийг хүсвэл Амундсеныг сонго. Харин хэрэв та тамд уначихаад, амьд гарах цорын ганц замыг хайж байгаа бол өвдөг сөгдөөд Шеклтоныг дууд."

Энэ бол Антарктидын туйлын аялагчдын дунд домог болсон үг билээ.

1914 оны 8-р сард Их Британийн судлаач Эрнест Шеклтон 27 нөхдийн хамт "Endurance" (Тэсвэр хатуужил) хэмээх модон дарвуулт хөлгөөр Антарктид тивийг далайн эргээс эрэг хүртэл хөндлөн туулахаар мордов. Гэвч тэд Антарктидын эрэгт хүрэхээсээ өмнө Уэдделлийн тэнгисийн аварга том мөсөн талбайд бүслэгдэн гацжээ.

Бүтэн 10 сарын турш хөлөг онгоц аварга мөсөн хавтангуудын хамт далайн урсгалаар дрейф хийн хөвөв. Өвлийн тэсгим харанхуйд мөсний даралт хөлгийн зузаан царс модон ханыг чих чийртэй дуугаар шахан бяцалж эхэллээ. 1915 оны 10-р сарын 27-нд хөлгийн ёроол цөмөрч, Шеклтон бүх багийнхандаа хөлгөө орхих тушаал өгөв. Хэд хоногийн дараа "Endurance" мөсөн хүйтэн далайн ёроол руу живж одов.

28 эр гадаад ертөнцөөс бүрэн таслагдаж, хасах 40 хэмийн хүйтэнд, хагарч үйрч буй хөвөгч мөсөн талбай дээр 3 жижиг модон завьтайгаа үлдлээ.

Тэд мөсөн дээр майхан барин 5 сар амьдрав. Хүнс дуусахад тэд далайн хав, оцон шувууны мах идэж, өөрсдийн чиргүүлийн нохдоо хүртэл нулимстай хөнөөж хоол болгосон байна. Харин 1916 оны хавар далайн дулаарал эхэлж, тэдний сууж байсан мөсөн хавтан нүдэн дээр нь хагаран бутарч эхэллээ.

Шеклтон багийнхнаа 3 жижиг завинд суулгаж, 7 хоногийн турш мөсөн уулууд, давалгаа сөрөн сэлсээр эзгүй хадан хясаа бүхий "Зааны арал" (Elephant Island)-д арайхийн хүрч газардав.

Энэ арал дээр хүнс юу ч байхгүй, хэн ч тэднийг тэнд байгаа гэж мэдэхгүй байлаа. Хэрэв өвөл эхэлбэл бүгд үхэх нь тодорхой болов. Шеклтон галзуу гэмээр шийдвэр гаргалаа: Тэрээр ердөө 6-хан метрийн урттай жижиг "Жеймс Кэрд" завинд 5 хүнтэйгээ суугаад, дэлхийн хамгийн догшин хар шуургатай Дрейкийн хоолойгоор 1,300 км зайд орших Өмнөд Жоржиа арлын халимын бааз руу тусламж дуудахаар далай руу гарахаар шийдэв...

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг шууд унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц энэ нийтлэлийг унших (2,500 ₮) 💎 Сар / Жилийн эрх авах