Манай ээж тэтгэвэрт гарснаасаа хойш мөнгөний асуудлаа ахад даатгасан. “Эр хүн юм чинь зохицуулна” гэдэг байлаа. Би эмэгтэй хүүхэд болохоор уу, эсвэл бага нь болохоор уу, ээж том шийдвэрүүдээ ахтай ярьдаг. Би эхэндээ гомддог байсан ч сүүлдээ дасчихсан.

Ах маань өөрөө гэр бүлтэй, ажилтай. Гэхдээ мөнгөний хувьд нэг л тогтворгүй. Заримдаа их мөнгөтэй юм шиг, заримдаа бүр мөнгөгүй. Ээж тэтгэврийн картаа түүнд өгөөд “эм, хүнс аваад өгчихдөг” гэж хэлдэг байсан. Би “ээж ээ, та өөрөө барьж бай” гэхээр “ах чинь мэдэж байгаа” гэнэ.

Нэг өвөл ээжийн бие гэнэт муудсан. Эмнэлэгт үзүүлэхэд яаралтай шинжилгээ, эмчилгээ хэрэгтэй гэсэн. Би ах руу залгаад “ээжийн тэтгэврийн дансанд хэд байгаа вэ?” гэж асуусан. Ах “байх ёстой, би шалгаад хэлье” гэсэн. Тэр өдрийн орой болтол хэлээгүй.

Маргааш нь би өөрөө ээжийг дагуулаад банк орсон. Дансны үлдэгдэл бараг тэг байсан. Сүүлийн саруудад тэтгэвэр орсон өдөр нь шууд АТМ-аас авсан гүйлгээнүүд харагдсан. Ээж сандал дээр суугаад “ах чинь эм авсан байх” гэж шивнэсэн. Гэхдээ бид хоёр хоёулаа үнэн биш гэдгийг мэдэж байсан.

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц унших (2,500 ₮) 💎 Сар / Жилийн эрх авах