Би гэрлэснийхээ дараа бүх мөнгөө нөхөртэйгээ хамтран барьдаг болсон. Цалин орохоор нэг дансанд хийж, тэндээс байр, хоол, хүүхдийн хэрэгцээ гээд бүгд гарна. Эхэндээ сайхан санагддаг байсан. “Бид нэг баг” гэж бодно. Гэхдээ нэг баг байна гэдэг бүх эрх нэг хүний гарт очно гэсэн үг биш байсныг би сүүлд ойлгосон.

Нөхөр маань мөнгөнд их хяналттай хүн. “Юунд зарцуулав?”, “яагаад ийм үнэтэй авсан юм?”, “эмэгтэйчүүд хэрэггүй юманд мөнгө үрдэг” гээд байнга асууна. Би эхэндээ тайлбарладаг, дараа нь айдаг болсон. Өөртөө тос авахдаа хүртэл худлаа үнэ хэлдэг байлаа.

Нэг өдөр ажлын эгч маань “эмэгтэй хүн өөрийн жижиг хадгаламжтай байх хэрэгтэй” гэж хэлсэн. Би эхэндээ буруу юм шиг санагдсан. Нөхрөөсөө мөнгө нуух чинь урвалт юм шиг. Гэхдээ тэр эгч “нуух гэж биш, өөрийгөө хамгаалах гэж” гэсэн. Тэр үг толгойд үлдсэн.

Тэгээд би сар бүр цалингаасаа 50 мянгыг өөр дансанд хийж эхэлсэн. Зарим сар хийж чадахгүй. Заримдаа 20 мянга. Би тэр мөнгийг зардаггүй, зүгээр л тэнд байгааг нь мэдэхэд сэтгэл жаахан тайван болно. Нөхөр мэдвэл уурлах байх гэж айдаг байсан.

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц унших (2,500 ₮) 💎 Сар / Жилийн эрх авах