Би гэрээсээ жижиг боов, бялууны захиалга авдаг байлаа. Эхэндээ хүүхдээ харахын хажуугаар жаахан орлого олох гэж эхэлсэн. Дараа нь хүмүүс ам сайтай болж, захиалга нэмэгдсэн. Би шөнө хоёр, гурван цаг хүртэл зуурмаг нухаж, өглөө хүүхдээ цэцэрлэгт хүргээд хүргэлт хийдэг болсон.

Нөхөр маань эхэндээ их дэмждэг байсан. “Миний эхнэр нэг өдөр том bakery-тэй болно” гэж хэлнэ. Би тэр үгэнд нь урамшаад улам хичээдэг. Захиалгын мөнгө орохоор гэрийн зээл, хүүхдийн төлбөр, хүнс гээд бүгдэд нэмэр болно. Би ядарсан ч “бид хоёр хамт босож байна” гэж боддог байлаа.

Гэхдээ сүүлийн үед мөнгө нэг л тогтохгүй байв. Би өмнөхөөсөө илүү ажиллаж байгаа мөртлөө данс хоосон. Нөхөр “энэ сар зээл их гарлаа”, “машинд засвар орлоо”, “найздаа түр өгсөн” гэнэ. Би итгэнэ. Гэр бүлд итгэл хэрэгтэй гэж бодно.

Нэг өдөр нэг том захиалгаа хүргэж өгөхөөр явж байтал танихгүй эр залгасан. “Танай нөхөр өнөөдөр мөнгө хийх ёстой байсан. Та гэрээрээ бизнес хийдэг юм байна, тэгвэл та ойлгох байх” гэсэн. Миний гар жолоон дээр хөшсөн. “Ямар мөнгө?” гэж асуухад тэр “тоглоомын өр” гэж хэлсэн. Би машин дотороо сууж байгаад “би энэ бүх шөнөжин хийсэн боовоороо юу төлөөд байсан юм бэ?” гэж бодсон. Тэгээд...

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц унших (2,500 ₮) 💎 Сар / Жилийн эрх авах