Манай нөхөр хүүхдэд их сайн хүн. Манай хоёр хүүхдийг бага байхад өөрөө усанд оруулна, тоглуулна, сургуульд нь хүргэнэ. Тийм болохоор би түүнийг бусдын хүүхдэд ч халамжтай ханддагт гайхдаггүй байсан. Ажлынх нь нэг найз ганцаараа хүүхдээ өсгөдөг, заримдаа тусламж хэрэгтэй болдог гэж нөхөр ярьдаг байлаа.

Тэр найзын хүүхэд гээд нэг жаахан хүү манайд хэд хэд ирсэн. Дөрөв орчим настай, том нүдтэй, үг дуу цөөтэй хүүхэд. Нөхөр минь түүнд тоглоом авч өгнө, хоол идүүлэхдээ их л зөөлөн хандана. Би “чи энэ хүүхдэд бүр өөрийн хүүхэд шиг сайн байх юм” гэж тоглоход нөхөр “өрөвдмөөр хүүхэд, аав нь байхгүй шахуу” гэж хэлсэн.

Эхэндээ би тэр хүүг өрөвддөг байсан. Манай хүүхдүүдтэй тоглоно, заримдаа гэрээс явахдаа уйлах гээд байдаг. Би жижиг хувцас, амттан өгнө. Ээж нь гэх эмэгтэй нөхөртэй минь утсаар ярьдаг ч надтай бараг уулздаггүй. “Ичдэг юм байлгүй, эсвэл завгүй байх” гэж бодсон.

Нэг өдөр нөхөр тэр хүүг аваад ирэхдээ их сандарсан харагдсан. “Ээж нь ажилтай, хэдэн цаг харж байгаач” гэсэн. Би зөвшөөрсөн. Хүү манай буйдан дээр хүүхэлдэйн кино үзээд сууж байлаа. Нөхөр гал тогоонд ус ууж зогсож байтал хүү гэнэт “ааваа, би жорлон ормоор байна” гэж хэлсэн.

Би тэр үгийг эхэндээ буруу сонссон гэж бодсон. Хүүхэд заримдаа том эрчүүдийг ааваа гэж андуурдаг байх. Гэхдээ нөхөр маань аягаа унагах шахаад над руу харсан. Түүний тэр царай миний бүх хариулт байсан. Би хүүг жорлонд оруулчихаад гал тогоонд буцаж ирсэн. “Энэ хүүхэд чамайг яагаад ааваа гэж дууддаг юм?” гэж асуухад нөхөр юу ч хэлээгүй. Би тэр шөнө “энэ хүү хэний хүүхэд вэ?” гэсэн асуултаа дотроо зуун удаа давтсан. Тэгээд...

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц унших (2,500 ₮) 💎 Сар / Жилийн эрх авах