Биднийг багаасаа үерхсэн Бат, бид хоёрыг хүмүүс төрсөн ах дүүс шиг л гэдэг байлаа. Бид хоёр хамтдаа өсөж, оюутны ширээнээс л бизнес хийж эхэлсэн юм. Зээл авч, өдөр шөнөгүй зүтгэсээр арай гэж нэгэн хувийн компани босгож, сүүлийн хэдэн жил овоо өргөжөөд байв. Би Батад хамаг санхүүгээ итгэж даатгадаг байсан бөгөөд "Найздаа итгэхгүй бол өөр хэнд итгэх вэ" гэж боддог байлаа. Тэр ч байтугай миний эхнэр Анутай ч тэр их дотно, гэр бүлээрээ байнга уулзаж, хамтдаа салхинд гардаг байв.

Миний амьдрал цэгцэрч, бүх зүйл сайхан болж байна гэж бодож байтал сүүлийн үед компанийн данснаас их хэмжээний мөнгө үл мэдэгдэх шалтгаанаар дутагдаж эхлэв. Би Батаас энэ тухай асуухад тэрээр: "Найз нь нэг шинэ төсөлд хөрөнго оруулалт хийж байгаа, удахгүй орлого нь ороод ирнэ, санаа зоволтгүй" гэж тайлбарладаг байв. Би ч найздаа итгээд орхисон. Гэтэл нэгэн орой ажлынхаа өрөөнд компанийн нарийвчилсан тайланг тулгаж суутал Батын өрөөний ширээн дээр түүний хувийн утас нь дуугарав.

Утасны дэлгэцэн дээр "Миний хайр" гэсэн нэр гарч, зурвас ирсэн байлаа. Би зүгээр л Батыг найз охинтой болжээ гэж бодоод баярлан утас руу нь хартал, дэлгэцэн дээр харагдсан зурвасын агуулга миний зүрхийг зүсэж, хамаг биеийг минь мөс мэт хөлдөөж орхисон юм. Зурвас илгээгч нь Батын найз охин биш... миний эхнэр Ану байлаа!

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц унших (2,500 ₮) 💎 Сар / Жилийн эрх авах