Сарын болон жилийн эрх авах
1 сарын эрх болон 1 жилийн эрх аваад сайт дээр байгаа бүх нийтлэлийг унших боломжтой.
Манай нөхөр сэтгэлзүйн эмчилгээ, зөвлөгөөг ер ойлгодоггүй хүн. “Хүн өөрөө л өөрийгөө татаж авдаг”, “яриад яах юм”, “галзуурсан хүн л эмч дээр очдог” гэж хэлдэг. Би эхэндээ маргадаг байсан. Дараа нь дуугүй болсон. Учир нь миний доторх ядаргааг тэр ойлгохгүй гэдгийг мэдэрсэн.
Би төрсний дараа, ажлын дарамт, гэрийн ачаа, ээжийн өвчин гээд олон зүйл давхацсан. Өглөө сэрэхэд зүрх хүнд, орой унтахад маргаашнаас айна. Хүүхдүүдээ хайрладаг ч заримдаа ганцаараа ариун цэврийн өрөөнд ороод уйлдаг болсон. Нөхөртөө хэлэхээр “чи өөрийгөө хэт өрөвддөг” гэдэг.
Нэг найз маань сэтгэлзүйчийн дугаар өгсөн. Би анх очихдоо маш их ичсэн. Хүлээлгийн өрөөнд сууж байхдаа “би үнэхээр ийм сул хүн юм уу?” гэж бодсон. Гэхдээ эхний уулзалтын дараа би анх удаа өөрийн ядаргааг нэртэй, тайлбартай, ичих зүйл биш гэдгийг мэдэрсэн. Тэгээд долоо хоног бүр явж эхэлсэн.
Нөхөртөө хэлээгүй. Ажлаасаа оройтож гарлаа, найзтай уулзлаа, дэлгүүр орлоо гэж худлаа хэлнэ. Худлаа хэлэх бүрт буруутай санагдана. Гэхдээ тэр миний эдгэрэх гэж байгаа оролдлогыг доромжлохоос айдаг байсан. Зарим нууц буруу зүйл нуух биш, өөрийн жижиг авралыг хамгаалах гэж үүсдэг юм билээ.
Нэг өдөр зөвлөгөөнөөс гарч ирээд машин барьж явтал нөхөр залгасан. “Чи хаана байна?” гэж асуухад нь би сандраад “ажил дээр” гэж худлаа хэлсэн. Тэр “би ажил дээр чинь байна” гэсэн. Миний гар салгалаад, зүрх дэлсээд, урдах зам бүрэлзсэн. Би машинаа замын хажуу руу шахаж зогсоохдоо бага зэрэг шон мөргөсөн. Хүнд гэмтэлгүй ч би машин дотороо амьсгалж чадахгүй уйлж эхэлсэн. Тэгээд...
Нийтлэлийг үргэлжлүүлэн унших
Та QPay ашиглан ердөө 2,500 ₮ төлөөд энэхүү нийтлэлийг унших, эсвэл сар/жилийн эрх аван бүх нийтлэлийг хязгааргүй унших боломжтой.