Сарын эрх идэвхжүүлэх
Сайтын бүх нийтлэл, нууцлаг бодит түүхүүдийг 30 хоног хязгааргүй унших боломжтой.
1972 оны 10-р сарын 13-ны баасан гараг. Уругвайн залуучуудын регбийн "Old Christians" багийн тамирчид, тэдний гэр бүл, найз нөхдөөс бүрдсэн 45 зорчигчтой "Fairchild FH-227D" онгоц Чили улсыг зорин Андын нурууны дээгүүр нисэж явлаа. Цаг агаар муудаж, өтгөн манан дунд орсон нисгэгч нар өөрсдийгөө уулсыг давчихсан гэж андуурснаар онгоцыг доошлуулж эхлэв.
Үүлэн дундаас гэнэтхэн тас хар хадан оргил яг урд нь гарч ирлээ! Нисгэгч онгоцны хамрыг дээш татсан ч оройтсон байв. Онгоцны баруун далавч уулын хадыг мөргөж тасрахад, удалгүй зүүн далавч болон сүүл хэсэг нь ч хугарч уналаа. Далавчгүй болсон онгоцны их бие яг л аварга чарга шиг цастай уулын уруу цагт 350 км хурдтай гулсаж явсаар 3,600 метрийн өндөр дэх мөсөн гол дээр хүчтэй мөргөн зогсов.
Азаар 45 хүнээс 33 нь эхний мөргөлтөөс амьд үлдэв. Гэвч тэд хасах 30 хэмийн хүйтэнд, ганц ч мод ургамалгүй цасан цөлд, зуны нимгэн хувцастайгаа гацсан байлаа. Багийн ахлагч Марсело Перес залуусыг зохион байгуулж, онгоцны сүүлний нүхийг чемодан болон суудлуудаар бөглөн хоргодох байр болгов. Тэдэнд хэдхэн ширхэг шоколад, жигнэмэг, хэдэн шил дарснаас өөр идэх зүйл байсангүй.
Тэд аврагчид ирнэ гэдэгт бүрэн итгэлтэй байлаа. Наймаа дахь өдөр тэд жижиг транзистор радио олж засварлаад сонсож байтал, мэдээгээр: "Цагаан өнгөтэй онгоцыг цасан дундаас олох боломжгүй бөгөөд хэн ч амьд үлдээгүй гэж үзсэн тул эрлийн ажиллагааг албан ёсоор зогсоолоо" гэж зарлах нь тэр!
Арван дахь өдөр гэхэд сүүлчийн шоколадны үйрмэг дуусав. Залуус гутлынхаа ширэн улыг, суудлын бүрээсийг хүртэл зажилж үзсэн ч бие махбод нь өөрийнхөө булчинг задалж, хүмүүс нүдэн дээр нь турж үхэж эхэллээ. Нандо Паррадо, Роберто Канесса болон бусад амьд үлдэгсэд тойрч суугаад амьд гарах цорын ганц боломжийн талаар ярилцав. Гадаа цасан дунд амиа алдсан найз нөхөд, хамаатан садны нь хөлдүү цогцсууд хэвтэж байлаа...
Нийтлэлийг үргэлжлүүлэн унших
Та QPay ашиглан ердөө 2,500 ₮ төлөөд энэхүү нийтлэлийг шууд унших, эсвэл сар/жилийн эрх аван бүх нийтлэлийг хязгааргүй унших боломжтой.