Сарын эрх идэвхжүүлэх
Сайтын бүх нийтлэл, нууцлаг бодит түүхүүдийг 30 хоног хязгааргүй унших боломжтой.
1959 оны 1-р сарын сүүлчээр ЗХУ-ын Уралын Политехникийн дээд сургуулийн төгсөгч, туршлагатай уулчин Игорь Дятлов тэргүүтэй 9 оюутан Умард Уралын нурууны "Отортен" уул руу 3-р зэргийн (хамгийн хүнд) өвлийн аялалд гарлаа. Нутгийн манси үндэстнүүд тэрхүү уулыг "Холатчахль" буюу "Үхэгсдийн уул" хэмээн нэрлэж, тийшээ зүглэхээс цээрлэдэг байв.
2-р сарын 12-нд баг товлосон газраасаа цахилгаан мэдээ ирүүлэх ёстой байсан ч чимээ тасарлаа. Эрлийн баг болон цэргүүд нисдэг тэргээр хайсны эцэст 2-р сарын 26-нд уулын энгэр дээрээс тэдний майхныг олов. Гэвч майхны байдал мөрдөгчдийг цочролд орууллаа.
Майхны ханыг гаднаас нь биш, дотроос нь хутгаар хэд хэдэн газар яаран зүсэж цоолсон байв. Майхан дотор оюутнуудын бүх дулаан хувцас, эсгий гутал, цана, хүнс, бүр идэж байсан гахайн мах нь хүртэл хэвээрээ үлджээ. Харин цасан дээрх мөрнөөс харахад 9 уулчин шөнө дунд -30 хэмийн тэсгим хүйтэнд майхнаа зүсэн гарч, зарим нь дан оймстой, зарим нь бүр хөл нүцгэн, дотуур хувцастайгаа уулын уруу 1.5 км зайтай ойн зах руу зугтсан байлаа!
Ойн захад аварга хуш модны доороос түүдэг галын үлдэгдэл болон зөвхөн дотуур хувцастайгаа хөлдөж үхсэн хоёр залуугийн цогцос олдов. Тэдний гар нь модны мөчир хугалах гэж оролдсоор шалбарч цус гарсан байв. Модноос майхан руу буцах замд Дятлов тэргүүтэй дахин гурван хүний цогцос олдсон бөгөөд тэд эцсийн мөч хүртлээ майхан руугаа мөлхөж байгаад осгож нас барсан байлаа.
Гэвч үлдсэн 4 оюутан хаачив? Тэднийг 2 сарын дараа буюу 5-р сард цас хайлах үеэр ойн гүн дэх жалганы ёроолоос 4 метр зузаан цасан дороос оллоо. Шүүх эмнэлгийн задлан шинжилгээний хариу гарахад мөрдөгчдийн үс босох шиг болов...
Нийтлэлийг үргэлжлүүлэн унших
Та QPay ашиглан ердөө 2,500 ₮ төлөөд энэхүү нийтлэлийг шууд унших, эсвэл сар/жилийн эрх аван бүх нийтлэлийг хязгааргүй унших боломжтой.